Poslovne vijesti - Makedonija

Градежниците изградиле 28 милиони евра во странство

Градежните компании од Македонија во првите девет месеци од годинава извршиле градежни работи во странство во вредност од 1.703.523.000 денари (27,7 милиони евра) што е за 8,9% повеќе во споредба со првите девет месеци од 2010 година.

Според податоците на Државниот завод за статистика, градежната оператива во странство договорила градежни работи во вредност од 2.027.279.000 денари (33 милиони евра) што е за 48,9% помалку од истиот период од лани.

Забележан е зголемен обем на извршените градежни работи во Словенија, Албанија, Хрватска, Италија и Украина, додека на другите пазари е регистрирано намалување. Како нови пазари се јавуваат Црна Гора и Франција.